Amò öna olta l'è sa Nedal
Amò öna olta i a 'mpienit la àl
Quarantamela doma sö al Brugai
E chè a Rueta i sufèga i gai
Amò öna olta i è sa i milanès
Con d'ü cappuccio i bif al bar in dès
A andà a Clüsù ga öl almeno tri quart d'ura
I è töcc in cùa chi ve zo del Pura
Chi ca 'lla dicc, chi ca 'lla dicc
Che 'l tata Natale l'è issè mai bù?
Chi ca 'lla dicc, chi ca 'lla dicc
che 'l tata Natale l'è issè mai sàe?
Scultì chi chi 'lla conòs
Piö ca l'è gràs e gròs
Piö l'è mèi traslo zo de dòs!
Amò öna olta i è sa i lüminarie
A fa la guèra a chi che 'gghià piö varie
E 'ndi frassiù chi che ia mìa desmentegàt
I ga porta chi rote o chi de l'an pasàt
Amò öna olta i è sa i regài
Miliù de euri per di zaài
A mè i ma dacc du portogài e tri fìc
Ma me öle l'Atalanta in Cempions Lig
Chi ca 'lla dicc…
Amò öna olta che a spetà ca'l fiòche
Fo dala cesa ü ròs de bele gnoche
E' infina a bello vedere tanta gente
Scrapunàs per fa 'l bö 'n dol presepe vivente
Amò öna olta i è sa i panetù
I solcc de ciacolat al lacc e 'l turù
Correte bimbi che proprio qui vicino
Ha dervito un franchising Gesù Bambino
Chi ca 'lla dicc…